ଛବି କଥା କହେ - ଯୋଗେଶ୍ଵର ଗହୀର

ମୁଁ ପରା ଲେଖକ 

ଲେଖା ମୋ ଜୀବନ

ତା ବିନା ବଞ୍ଚି ମୁଁ ପାରେନା.... 

ସାହିତ୍ୟ ସାଧନେ 

ଅବ୍ୟାହତ ରହି 

ଭୁଲି ଯିବି ସବୁ ଯାତନା । 

ଲେଖା ନୂହେଁ ପେଷା 

ଲେଖା ଅଟେ ନିଶା 

ପୋଷେ ନାହିଁ ମୋର ପେଟ.. 

ଲେଖା ପାଇଁ ଜନ୍ମ 

ଲେଖାରେ ମରଣ 

ଏ ତ ମୋ ନିରୋଳା ବାଟ । 

ଏ ସାମାଜ ପଛେ 

କଳଙ୍କିତ କହୁ 

ଲେଖନୀ ବଜର ହେଉ ... 

ସମାଜର ହିତ 

ଅବା ହେଉ ଦୁଃଖ 

ସଦା ମୋ ଲେଖାରେ ଥାଉ । 

ଜଗତ ର ହିତ 

ନିଶ୍ଚୟ ସମ୍ଭବ 

ସାହିତ୍ୟ ତା ମେରୁଦଣ୍ଡ 

ସେଥିପାଇଁ ପରା 

ଜଗତେ କହନ୍ତି 

କବି ତୁଣ୍ଡ ମେଣ୍ଢା ମୁଣ୍ଡ । 

ଲୋଡ଼ା ନାହିଁ ମୋର 

ପାର୍ଥିବ ସମ୍ମାନ 

ଉପାଧି ଓ ମାନପତ୍ର... 

ପୁରସ୍କାର ଆଦି 

ସାହିତ୍ୟ ଉପାଧି 

ଏ ସବୁ କ୍ଷଣିକ ମାତ୍ର । 

ଲେଖକର ମାନ 

ମୋ ପାଇଁ ସମ୍ମାନ 

ହେଇଯିବ ମନ ତୋଷ... 

ଜୀବନରେ କେବେ 

ଲେଖକ ଟେ ବୋଲି 

ରହିବନି ଅବଶୋଷ । 

 ଯୋଗେଶ୍ୱର ଗହୀର

କେସିଙ୍ଗା, କଲାହାଣ୍ଡି, 

ମୋ - 8249405395